Dy maturantë në Tiranë zbulojnë një teoremë të re

Shkenca, teknologjia... Diskutoni rreth ketyre lemive, tregoni, pyesni, mesoni.

Moderators: Beka Floyd, SadButTrue, bg82, adela

Post Reply
User avatar
The Green
Posts: 4079
Joined: Sun Jul 01, 2007 12:59 pm

Dy maturantë në Tiranë zbulojnë një teoremë të re

Post by The Green »

Dy maturantë kanë bërë një zbulim shumë të rëndësishëm shkencor, duke shkruar emrin e tyre në shkencën e matematikës e të mosbarazimeve algjebrike

Përgjithësimi i mosbarazimit "Suranyi" dhe i mosbarazimit "Schur", nga shqiptarët Gjergji Zaimi dhe Keler Marku do të jetë teorema më e re që i shtohet fondit të njohurive teorike të matematikës, më saktë, asaj të mosbarazimeve algjebrike. Do të quhet "Toerema Zaimi-Marku" dhe do të publikohet për herë të parë në librin e matematicienit rumun Vasile Cirteaje, që do të prezantohet për publikun e interesuar në korrik të 2006.

Teorema e re, tashmë ka marrë emrat e dy shqiptarëve dhe është aprovuar nga prof. V. Cirteaje, ndërkohë që së shpejti do të kalojë për reçensë dhe në Akademinë e Shkencave të Shqipërisë. Sidoqoftë, botimi i parë do të kryhet jashtë vendit, në librin universitar "Mosbarazime Algjebrike", i cili do të prezantohet në Olimpiadën Botërore të Matematikës, që do të zhvillohet në Slloveni në korrik të 2006. Shumë vetë mund të pyesin se cilët janë këta shqiptarë, që paskan bërë një përgjithësim kaq të rëndësishëm, që kanë zbuluar një teoremë të re. Për çudinë e të gjithëve nuk bëhet fjalë për dy profesorë të moshuar, apo për studentë të ndonjë insituti të famshëm botëror që frekuentohet nga gjenitë. Bëhet fjalë, për dy nxënës të vitit të katërt në shkollën "Turgut Ozal" në Tiranë, të cilët ende nuk kanë kaluar adoleshencën e tyre dhe u duhen dhe disa muaj, për të mbushur moshën madhore. Natyrisht që, nuk mund të quhen fëmijë "të zakonshëm" apo fillestarë në fushën e matematikës. Bëhet fjalë, për dy pjesëmarrës në olimpiadat kombëtare e ndërkombëtare, që shpeshherë kanë nderuar Shqipërinë me medalje e diploma të ndryshme, duke treguar që shqiptarët janë në gjendje të japin rezultate edhe në shkencë e jo vetëm në sport. Historia e dy të rinjve është disi e veçantë, një histori e vështirë, në një vend që deri më sot nuk i ka kushtuar rëndësinë e duhur dijes, apo përgatitjes së talenteve të reja në shkencat e ndryshme.

Cilët janë Gjergji Zaimi e Keler Marku

Gjergji Zaimi e Keler Marku janë dy nxënës të apasionuar ndaj matematikës, apo siç mund të themi me plot gojën, dy matematicienë të ardhshëm. Të dy, i lidh me njëri-tjetrin një shoqëri e mirë dhe e gjatë, që prej fëmijërisë. Me njëri-tjetrin, dy adoleshentët janë njohur në vitin shkollor 1999-2000, në olimpiadën matematikore të rrethit Tiranë, ku dy djemtë, atëherë në klasën e gjashtë, fituan vendet e para. Gj. Zaimi vinte nga shkolla tetëvjeçare Fan S. Noli, ndrkohë që K. Marku vinte nga bankat e Jeronim de Radës. Pas rezultatit të mirë në olimpiadë, të dy nxënësve iu ofrua një bursë nga shkolla "Turgut Ozal" dhe që prej asaj kohe kanë vazhduar në të njëjtin institucion privat. Kjo olimpiadë e klasave të gjashta ka rezultuar deçizive për dy djemtë, pasi siç e pranojnë dhe vetë, më parë nuk kanë patur ndonjë rezultat për t’u vënë re, apo ndonjë pasion të veçantë për matematikën. Pikërisht atëherë, pasi u futën në institucionin arsimor privat "Turgut Ozal", dy nxënësit filluan të motivoheshin më tepër dhe të ushtroheshin sistematikisht në prirjen e tyre. Ka qenë një punë e gjatë, e përditshme, ajo që ka çuar në rezultatet e mira të nxënësve në kompeticionet ndërkombëtare (pasi në ato kombëtare, suksesi ka qenë i përvjetshëm). Nuk ka qenë aspak e lehtë për ta, shpesh u është dashur të sakrifikojnë diçka, nga momentet e zbavitjes e shpesh kanë ndenjur mbi libra e në internet me orë të zgjatura, por sidoqoftë dy djemtë kanë rekuperuar gjithçka, duke kaluar me shoqërinë e me familjen orët e tjera, duke programuar ditët në mënyrë intensive dhe kështu, asgjë s’mbetej pas dore. Në përgatitjen e tyre, pas vullnetit individual dhe pasionit për matematikën, një rol të madh ka luajtur dhe programi stimulues i shkollës "Turgut Ozal" dhe i drejtorisë së Kolegjeve Turke në Shqipëri, të cilët kanë ofruar vazhdimisht bursa e shpërblime për ecurinë e mirë të nxënësve. Ka qenë pikërisht kjo shkollë, ajo që ka bërë të mundur formimin ekstrakurrikular të këtyre nxënëve nga profesori i njohur Edmond Pisha, kryetari i "Shoqatës së Matematikanëve", i cili i ka ndjekur dy nxënësit në aktivitetet kombëtare e ndërkombëtare, në katër vitet e shkollës së mesme. Të dy nxënësit, Gjergji e Keleri kanë arritur të bëjnë atë, që shumë pak vetë e prisnin, në një moment pesimizmi për cilësinë e arsimit shqiptar, këta të dy kanë provuar të kundërtën. Megjithatë, për fat të keq, duhet përmendur që mbështetja e shtetit ndaj dy matematicienëve të rinj nuk ka qenë në nivele të mira, në aktivitetet ndërkombëtare ku nxënësit kanë përfaqësuar Shqipërinë.

Nder për Shqipërinë

Ndërkohë që, për kombëtaren e futbollit premtohen qindra mijëra euro për fitoren e ndonjë ndeshjeje, pa domethënie e bizneset sponsorizojnë sportistë premtues, këta dy djem nuk kanë marrë ndonjë mirënjohje deri sot. Duhet të kujtojmë se Gj. Zaimi e K. Marku kanë sjellë në Shqipëri medalje të vërteta, në kompeticione shumë të rëndësishme ndërkombëtare, siç janë olimpiadat ballkanike e botërore. Shtete ballkanike si Rumania e Bullgaria, për të mos përmendur SHBA, Kinë, Rusi apo Japoni, jo vetëm që përgatitin e investojnë në talente të tillë, por investojnë dhe në të ardhmen e tyre, duke u ofruar bursa në institucionet më të mira universitare të botës. Ndërsa, dy medalistët shqiptarë presin të fitojnë individualisht ndonjë bursë nëpër universitetet amerikane pasi, ende nuk ka patur ndonjë interesim nga institucione shtetërore, për arsimimin e tyre të mëtejshëm. Vitin e ardhshëm, Gjergji e Keleri do të qëndrojnë "pushim", pasi do të kenë mbaruar shkollën e mesme e do të presin përgjigjet nga institucionet arsimore, ku do të aplikojnë për studimet e larta. Të preferuarat prej tyre janë të famshmet MIT (Massachussets Institute of Technology), Harëard, Princeton, Stanford, Yale apo CalTec (California Institute of Technology). Të gjitha këto universitete, janë shumë të shtrenjta për familjet e mesme shqiptare dhe dy studentët, as që ëndërrojnë të shkojnë në këto shkolla në bazë pagese. Ajo, që ata presin është që stafi akademik i këtyre shkollave, të vlerësojë arritjet e tyre e të ofrojë bursë, ndërkohë që do të ishte e mirëpritur edhe ndonjë ndihmë nga shteti shqiptar.

Gjergji Zaimi

Datëlindja: 20.10.1988
Fitues i medaljes së argjendtë në Olimpiadën Botërore, Meksikë 2005
Fitues i medaljes së bronztë në Olimpiadën Botërore, Greqi 2004
Fitues i dy medaljeve të arta në Olimpiadën Ballkanike, Bullgari 2004, Qipro 2006
Fitues i medaljes së argjendtë në Olimpiadën Ballkanike, Rumani 2005
Fitues i medales së bronztë në Olimpiadën Ballkanike, Shqipëri 2003
Disa herë fitues i medaljeve të arta në olimpiadat kombëtare të matematikës
Fitues i diplomave të ndryshme ndërkombëtare e kombëtare

Keler Marku

Datëlindja: 28.07.1988
Fitues i dy medaljeve të bronzta në Olimpiadën Ballkanike, Rumani 2005, Qipro 2006
Disa herë fitues i medaljeve të arta në olimpiadat kombëtare të matematikës.
Fitues i diplomave të ndryshme ndërkombëtare e kombëtare


Teorema Zaimi-Marku, përgjithësimi 100 vjet, pas rastit të parë

Teorema Zaimi-Marku konsiston në një mosbarazim të vërtetuar, i cili është formuluar nga dy të rinjtë shqiptarë. Gjithçka ka marrë start nga mosbarazimi i famshëm "Schur", i zbuluar nga matematicieni gjerman në fillim të shekullit të XX. Mosbarazimi në variantin "Schur" është i vlefshëm, vetëm për një parametër (n = 3), ndërkohë që në variantin "Suranyi" është i vlefshëm për parametrin e dytë (k=0). Më parë njiheshin disa prova vetëm për k=1 dhe përdorej një matematikë shumë e avancuar, për të arritur këto prova. Kur u zbulua rasti i vlefshëm për n=4 në vitin 1993 bëri shumë bujë dhe u quajt "Mosbarazimi i Turkevicit". Në këtë fushë janë arritur rezultate të pjesëshme më parë, nga matematicienë si Cirtoaje, Kantorovich etj. Gjenialiteti i Zaimit e i Markut konsiston në përgjithësimin e këtij mosbarazimi, duke e vërtetuar për çdo parametër n (natyror) dhe për të gjithë parametrat k (real). Zbulimi është shumë i rëndësishëm dhe teorema është formuluar, duke përdorur atë që në gjuhën e matematicienëve quhet "matematikë elemtare". Prova me matematikë elementare ka më shumë vlerë, se ajo me matematikë të avancuar, sepse ofron mundësi më të mëdha aplikimi e është më e kuptueshme. Shqiptarët kanë përdorur mosbarazimin "Bernoulli", mosbarazimin "Tchebyschev", si dhe mosbarazimin mbi të mesmen algjebrike gjeometrike. Përfundimi ka qenë i habitshëm dhe tashmë, çdo mosbarazim i mëparshëm, në këtë fushë do të quhet thjesht një variant i teoremës "Zaimi-Marku", që do të studiohet nga studentët e matematikës në të gjithë botën.
User avatar
Pandemonis
Posts: 2495
Joined: Sat Jun 24, 2006 2:39 pm
Location: Lluga-city
Contact:

Re: Dy maturantë në Tiranë zbulojnë një teoremë të re

Post by Pandemonis »

kush mer vesh ne matematike me siguri osht interesant ky send :)
User avatar
The Green
Posts: 4079
Joined: Sun Jul 01, 2007 12:59 pm

Re: Dy maturantë në Tiranë zbulojnë një teoremë të re

Post by The Green »

Paj men ktu veq mu interesu pak boll osht e leje mo me nxerr naj teoreme :D
User avatar
bett
Posts: 3782
Joined: Mon Nov 26, 2007 7:21 pm
Location: Killadelphia

Re: Dy maturantë në Tiranë zbulojnë një teoremë të re

Post by bett »

po kjo moti koka kon
Do të quhet "Toerema Zaimi-Marku" dhe do të publikohet për herë të parë në librin e matematicienit rumun Vasile Cirteaje, që do të prezantohet për publikun e interesuar në korrik të 2006.
a po ke ba ndonje gabim me dat
User avatar
The Green
Posts: 4079
Joined: Sun Jul 01, 2007 12:59 pm

Re: Dy maturantë në Tiranë zbulojnë një teoremë të re

Post by The Green »

Po une kom ni moti per ket lajm po sun e gjejsha materialin, tash pahiri rashe n'to.
Dissonant
Posts: 1033
Joined: Sun Jan 27, 2008 1:02 pm

Re: Dy maturantë në Tiranë zbulojnë një teoremë të re

Post by Dissonant »

Per hajr ju koft e na koft.
cimi_rhcp
Posts: 5040
Joined: Sat Sep 09, 2006 4:00 pm
Location: Capital

Re: Dy maturantë në Tiranë zbulojnë një teoremë të re

Post by cimi_rhcp »

paj ky osht ni nder per kejt shiptart.

vlen me permen se edhe ni bashkestudent ne fakulltetin tem, dmth ne Elektro e ka zbulu ni metode per zgjidhjen e determinantave ne matematike.
ekzsitojne disa metoda per zgjidhjen e determinanatave si psh, metoda me minorë, metoda e trekandshit, edhe do tjera.
e ky shoku ne fakulltet e ka zbulu edhe ni metode, e qe osht ni arritje shum shum e madhe per to po edhe per kejt fakulltetin.
per ma teper ky ka shku ne zagreb edhe ju ka pranu zbulimi! 8)
User avatar
Clavicula
Posts: 8737
Joined: Sat Jun 30, 2007 11:24 pm
Location: East Center

Re: Dy maturantë në Tiranë zbulojnë një teoremë të re

Post by Clavicula »

Une ket sen e di kogja moti, me ka kallxu nji shok i jemi, i cili osht njoft me ta, edhe ka shku neper gara e sene.

Une jom gzu shume, amo edhe ni sen o keq, puna osht qe k'ta nuk pritet me jetu ne Shqipni hiq, tash ja therrin naj kah, edhe me plot te drejt bile.
Search
Posts: 944
Joined: Mon Sep 08, 2008 3:40 pm
Location: SICILi

Re: Dy maturantë në Tiranë zbulojnë një teoremë të re

Post by Search »

Edhe une me ni kosjjhi fertahine kemi nxerr ni teorem
User avatar
gothblood
Posts: 3096
Joined: Wed Jul 12, 2006 7:53 pm
Location: CEMETERY
Contact:

Re: Dy maturantë në Tiranë zbulojnë një teoremë të re

Post by gothblood »

Clavicula wrote:Une ket sen e di kogja moti, me ka kallxu nji shok i jemi, i cili osht njoft me ta, edhe ka shku neper gara e sene.

Une jom gzu shume, amo edhe ni sen o keq, puna osht qe k'ta nuk pritet me jetu ne Shqipni hiq, tash ja therrin naj kah, edhe me plot te drejt bile.
pse me jetu ne shqiperi ku nuk ju bohet rrespekti per punen qe e kan ba ...thjesht kurrgja shteti sju ka ndihmu keshtu qe ...
User avatar
V | a G r a
Posts: 12726
Joined: Tue Oct 19, 2004 5:31 am
Location: Pr!sht!n
Contact:

Re: Dy maturantë në Tiranë zbulojnë një teoremë të re

Post by V | a G r a »

Hallall :)
Zana E Malit
Posts: 2147
Joined: Sun Apr 06, 2008 11:18 pm
Location: United Mitrovica

Re: Dy maturantë në Tiranë zbulojnë një teoremë të re

Post by Zana E Malit »

a ka hi n`perdorim kjo Teorem a jo?
User avatar
The Green
Posts: 4079
Joined: Sun Jul 01, 2007 12:59 pm

Re: Dy maturantë në Tiranë zbulojnë një teoremë të re

Post by The Green »

cimi_rhcp wrote:paj ky osht ni nder per kejt shiptart.

vlen me permen se edhe ni bashkestudent ne fakulltetin tem, dmth ne Elektro e ka zbulu ni metode per zgjidhjen e determinantave ne matematike.
ekzsitojne disa metoda per zgjidhjen e determinanatave si psh, metoda me minorë, metoda e trekandshit, edhe do tjera.
e ky shoku ne fakulltet e ka zbulu edhe ni metode, e qe osht ni arritje shum shum e madhe per to po edhe per kejt fakulltetin.
per ma teper ky ka shku ne zagreb edhe ju ka pranu zbulimi! 8)
Hallall, shume pom vjen mire per qet sen.

A thu tash, a e praktikojne qet metode a jo?
User avatar
smoki
Posts: 390
Joined: Mon Mar 03, 2008 11:31 pm

Re: Dy maturantë në Tiranë zbulojnë një teoremë të re

Post by smoki »

edhe un e kom zbulu ujin e nxet (H)
Post Reply