A duhet te festohet 28 Nentori

Shkruni qka dini per histori, vetni, msoni... ma mire se n'shkoll ko me u kan.

Moderator: AciDiuS

User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

Taleban tregom ti mu ku osht esenca e qetij artikullit?

qa ki me shtu ti ma shum rreth artikullit...
User avatar
TALEBANI
Posts: 1914
Joined: Thu Mar 23, 2006 10:45 pm

Re: A duhet te festohet 28 Nentori

Post by TALEBANI »

SOPRANO wrote:Taleban tregom ti mu ku osht esenca e qetij artikullit?

qa ki me shtu ti ma shum rreth artikullit...

he he he, po thu Soprano me fol naj sen aaa, kete artikull e postova se u lidhke me temë e edhe mu dok interesant, si psh:
- flamuri ynë eshte kopje e perandorive (bizantine, romake, etj) ashtu si edhehimni i flamurit apo muzika e himnit kombtar,
- flamurin e kuq e kanë pas edhe bizantinët, e shqiponjen dykrershe poaashtu, e qe thuhet se simbolizon (ne at kohë) dy perandorit e përqame, Romën e Bizantin,
- se ne kohen e ngritjes se flamurit asnjë qytetar nmuk kishte pasur flamur, e besa as qe nuk e kishte ditur se qfare eshte,
- interesant mu dok se kur e kanë pa flamurin kosovarët e kan ngjoft se e kanë pa "tek ushtarët e bab Kralit në Pazarin e Ri'', dmth flamuri me shqiponj nuk ka qenë veq i shqiptarve e Skenderbeut, po e kanë pas shumica e vendeve bizantine, si rasti i Kralit, dmth se flamuri ne atë kohë u ba si tash për me hy ne Evropë, me i përngja shteteve evropiane.
- pastaj edhe ma priq mu dokë puna e atyre qe kanë kërku me pas një flamur me citate Kuran-ore, e shyqyr prej Zotit qe nuk u ba,
- tonaj në një debat në KTV për simbolet e shtetit te Kosoves qe jon pas kanë disa historian, analist, intelektual, etj, aty u tha se ''vetem mitë eshte qeshtja e flamurit, se as qe e ka qendis Marigona flamurin, po prej Rumonie u ardh i gatshem flamuri'', edhe diqka pat thanë po spom kujtohet.


PS. sot flamurit kombëtar i ka ra vlefta shumë !!!!!!!!!!! :o
User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

sipas teje...cili duhet mu kon flamuri jon?
User avatar
Black Crow
Posts: 1236
Joined: Sat Aug 04, 2007 10:08 pm
Location: rrugve t Pejes

Re: A duhet te festohet 28 Nentori

Post by Black Crow »

Nese vjen i madhi Ramushi, kish mu kon edhe ma fest e madhe per 28 Nentor...

"...Plumba ha n'vend t'bukes,
pa t'u shterr gjaku mos u rrzo,
en grushta mbaj syt e tu,
kallu en flak si Oso Kuka,
e shkja en Kosov ma mos lsho..."
User avatar
Muki
Posts: 4685
Joined: Thu Oct 06, 2005 10:38 pm
Location: Mitrovicë

Re: A duhet te festohet 28 Nentori

Post by Muki »

Une thash tu u bazu ne theniet e historianve,e tash ju nisjani me bo hajgare tu qit thonie te juaja personale edhe tu u bo tifoz i njoni tjetrit me quota.
Sidoqofte,inshAllah Allahu ia mundeson popullit shqiptar qe kete feste ta festoj me arsye ma te madhe.
User avatar
Vissy Dream
Posts: 5699
Joined: Sun Jul 15, 2007 7:20 pm
Location: Old Trafford

Re: A duhet te festohet 28 Nentori

Post by Vissy Dream »

Po more normal qe duhet me u festu 28 Nentori :P
User avatar
TALEBANI
Posts: 1914
Joined: Thu Mar 23, 2006 10:45 pm

Re: A duhet te festohet 28 Nentori

Post by TALEBANI »

Ja shtepia e vertete e flamurit

Gazeta Shqiptare

( 18/11/07) Oliverta Lila

Një shtëpi tradicionale vlonjate, Ismail Qemali që mban flamurin shqiptar në ballkonin e saj, dhe një dyndje populli që brohorasin Pavarësinë. Kjo është fotografia tradicionale që ne jemi mësuar ta identifikojmë me shpalljen e Pavarësisë. Por ajo pamje nuk i përket shtëpisë së vërtetë ku është ngritur flamuri i 1912-ës. Një fotografi e rrallë që ka mbërritur nga Stambolli vërteton
ato çka personalitetet e asaj kohe kanë lënë në kujtimet e tyre. Flamuri është ngritur në shtëpinë e Xhemil Bej Vlorës. Deri më sot, në arkivat shqiptare nuk gjendej as një pamje e saj. Diheshin vetëm të dhëna dhe rasti më i mirë ishte një skicë që tregonte kompleksin e Vlorajve.
Asgjë më shumë. Kërkimet në gjurmë të kësaj shtëpie e kanë çuar historianin vlonjat, Bardhosh Gaçe deri në Turqi. E pikërisht në arkivat e Stambollit dhe Ankarasë. Pas kërkimeve të shumta, ka mundur të gjejë atë çka kërkonte.
Shtëpinë e Xhemil Bej Vlorës, aty ku është ngritur flamuri më 28 nëntor të 1912-ës. Në fotografi tregohet vetëm një pjesë e shtëpisë së madhe. Në të dallohet vetëm shkalla e një ane dhe një pjesë e çardakut. Fotografia përkon me një skicë të njohur më para ku tregohet kompleksi Vloraj. “Kjo fotografi gjendet në arkivat e Stambollit dhe të Ankarasë. E kam gjetur dy vjet më parë. Ajo është dërguar nga Vlora në mars të vitit 1913 dhe pas saj ka një raport të shkurtër ku shkruhet: Shtëpia ku u ngrit flamuri e u shpall Pavarësia”, - tregon historiani Bardhosh Gaçe, i cili është marrë me studimin e kësaj periudhe historike. Fotografinë e ka vënë në dispozicion të Muzeut Historik Kombëtar në Tiranë si një e dhënë e veçantë historike. Ajo do të
ekspozohet për herë të parë në ekspozitën që MHK-ja po realizon me rastin e 95-vjetorit të Pavarësisë. Sotirulla Hoxha, shefe e sektorit të përmbajtjes tregon se me këtë rast nga arkivat, të dhëna të ndryshme dhe nga
bashkëpunëtorët e tyre janë mbledhur fakte të reja historike për ngjarje apo figura të veçanta, apo edhe objekte që do të ekspozohen për herë të parë. “Deri më sot ne kishim vetëm disa të dhëna shkrimore për shtëpinë e
Xhemil Bej Vlorës, por nuk kishim gjetur asnjë fotografi.
Ekzistonte një skicë dhe një studim për këtë kompleks, por vetëm kaq. Për herë të parë po e publikojmë këtë fotografi për vet vlerën e saj historike.
Fotografia e nxjerrë nga arkivat e Stambollit, fotografia e shtëpisë së Xhemil Bej Vlorës për herë të parë tregon pamjen e vërtetë të shtëpisë ku u ngrit flamuri. Historianët shprehen se fotografia tradicionale e shtëpisë me ballkon
ku shfaqet Ismail Qemali me flamur në dorë, i përket vitit 1913. Është realizuar më 28 nëntor, gjatë festimeve të njëvjetorit të shpalljes së pavarësisë. “Flamuri është ngritur në shtëpinë e Xhemil Bej Vlorës, ndërsa shtëpia me ballkon është godina ku u zhvendos pas një viti selia e qeverisë së Vlorës”, - shprehet Gaçe. Sipas tij, fotografia e rrallë që ai ka sjellë nga Stambolli është realizuar nga Thanas Floqi, një nga delegatët që morën pjesë në shpalljen e Pavarësisë. Këtë e bazon edhe në fotografitë të tjera të çmuara që ka gjetur në këtë arkiv. “Thanas Floqi ishte ai që në atë kohë kishte aparat fotografik dhe ka bërë edhe disa fotografi të tjera. Në këtë arkiv unë kam gjetur edhe një foto të Ismail Qemalit duke kaluar Vjosën së bashku me të gjithë delegatët që e shoqëronin”, - tregon historiani Gaçe. Fakti që më 28 nëntor të 1912-ës flamuri është ngritur në shtëpinë e Xhemil Bej Vlorës, konfirmohet në aktin e Pavarësisë, në organin zyrtar të Qeverisë së Vlorës “përlindja e Shqipërisë”, por edhe në kujtimet e personaliteteve të asaj kohe se Eqerem Bej Vlora, Hasan Prishtina, Mit’hat Frashëri etj. Në shtëpinë e Xhemil Bej Vlorës kishte lindur edhe vet Ismail Qemali. Në kujtimet e tij, në këtë shtëpi Eqerem Bej Vlora shkruan se: “U mblodhëm të gjithë në selamllëk dhe si gjithmonë në këto raste rrëmuja sundonte gjithçka. Problemi ishte se disa krahina nuk kishin dërguar delegatë. Ose ata nuk vinin dot,
ose nuk kishte pasur mundësi për t’u bërë mbledhje përfaqësimi”. Ndërsa Mit’hat Frashëri, në një letër me titull, “Si u bë Kongresi i Vlorës” dërguar mikut të tij, Kristo Luarasit, shkruan: “Kongresi u çel më 28 të këtij muaji dhe ishin 47 delegatë nga çdo anë e Shqipërisë, vise të shkelura dhe të pashkelura. Sot janë 65, se kanë ardhur edhe nga krahina të tjera. Këtë ditë, pra, ora 14.30, me zë të përgjithshëm u proklamua independenca e Shqipërisë dhe Flamuri u çel në portën e shtëpisë ku ishim mbledhur(... )Salla e madhe në shtëpinë e Xhemil Bej Vlorës ishte mbushur plotë dhe delegatët kishin zënë vendet rreth tri tryezave të mëdha të vëna afër e afër...”.

Shtëpia
Vendi që zë sot lulishtja në qendër të qytetit, ka qenë
trualli mbi të cilin ishte ngritur familja e Xhemil Bej
Vlorës dhe kompleksi i Vlorajve. Dikur në atë vend ka qenë
ngritur një ndërtesë e madhe, ashtu siç tregohet edhe në
fotografi. Historiani Bardhosh Gaçe tregon se shtëpia është
shkatërruar nga tërmeti i vitit 1929. Ndërsa në vitin 1941
u vendos të kthehej në lulishte. Sot aty ndodhet Monumenti
i Pavarësisë. Gaçe tregon se edhe në kujtimet e Ali
Asllanit shkruhet: “Vendosa që në vendin ku u bë pavarësia
të ngre një shtizë flamuri në lartësinë e ballkonit”.
Fatmirësisht, kjo fotografi ka ngelur si dëshmi e rrallë e
kësaj shtëpie. Ndërsa ekspozimi i saj merr një vlerë të
madhe me rastin e 95-vjetorit të shpalljes së Pavarësisë.
Gaçe shprehet se është shumë e rëndësishme që kjo fotografi
të jetë në muzeume për vet vlerën historike që mbart.
Ndërsa ky fakt tregon se përgjatë viteve nga arkivat apo
burime të tjera do të dalin të dhëna mbi shtrembërimet
historike që po diskutohen kaq fort këto kohë në shoqërinë
shqiptare.

SI ISHTE NDERTUAR SHTEPIA E FLAMURIT
Këto kohë në Muzeun Historik Kombëtar specialistët kanë
mbledhur mjaft materiale që dëshmojnë për Pavarësinë. Në
kërkim të fakteve të reja, në vite të dhënat plotësojnë
njëra-tjetrën. Fotografia e shtëpisë së vërtetë ku u ngrit
flamuri është vendosur bashkë me disa të tjera që presin të
ekspozohen për herë të parë në ekspozitën që do të
organizohet me rastin e 95-vjetorit. Pavarësisht të dhënave
historike, në një studim të tij, profesor Emin Riza duke iu
referuar disa skicave për kompleksin e Vlorajve na jep të
dhëna interesante për ndërtimin e tyre.

Emin Riza

Banesa e familjes Vlora ngrihej në truallin që zë sot
lulishtja në qendër të qytetit. Ai është rrënuar rreth
vitit 1920. Kompleksi
ndërtimor i formuar nga dy banesa dhe disa ndërtime të
tjera, sipas skicës ngrihej mbi një truall të gjerë prej
4.50 ha (165 x 275 m). Në skicë mungon muri rrethues në e
djathtë. Lartësia e tij duhet të jetë rreth 4 metra. Një
jur tërthor ndan banesën e familjes nga ajo e miqve. Të dy
banesat kanë porta të veçanta hyrjesh. Pranë portës për në
banesën e miqve, ngihet një ndërtim i vogël me kat, e
pjesërisht me çardak, i cili del me dy faqe në rrugë. Kati
përdhes duket i pabanuar, duke gjykuar nga dritaret në
formë frëngjie. Ky ndërtim me shumë gjasë u përkiste rojave
dhe shërbyesve.Porta e hyrjes për në banesën e familjes e
familjes nuk ka ndonjë ndërtim pranë. Në murin ndarës
ndërmjet të dy banesave ka një portë, ndërsa djathtas saj
ngrihet një godinë përdhese me një tambur gjashtëfaqësh mbi
të. Në oborrin e banesës së familjes është ndërtuar pusi,
ndërsa një ndërtim tjetër siç duket është varr monumental
(Tyrbe). Banesa e miëve është një ndërtim dykatësh. Ai
formohet nga një bllok qëndror me gjatësi 70 m, i cili në
të dy pjesët anësore lidhet me dy dalje, të cilat i japin
kompozimit, rreptësisht simetrik, formën e njohur me dy
krahë në tipologjinë e banesës qytetare shqiptare të
feudalizmit të vonë...
Banesa e familjes është si gjithmonë më e madhe se ajo e
miqve. Ajo shtrihet në një gjatësi tepër të madhe, prej 83
m, duke përbërë rastin e vetëm me sa njohim deri më sot. Në
dallim nga banesa e miqve, ndërtimi në fjalë është
trekatësh. Edhe kjo banesë i përmbahet kompozimit simetrik,
i cili, duke u bashkuar me madhështinë e veprës, rrit
ndjeshëm monumentalitetin e saj. Krahët anësorë të saj
duket se vazhdojnë edhe në pjesën e prapme, madje edhe me
disa dalje të tjera, të cilat e bëjnë kompozimin tepër të
thyer. Në dallim nga banesa e miqve, banesa në shqyrtim
shoqërohet nga dy kulla, të cilat ngrihen në këndet e
jashtme të kryqëzimit të bllokut qëndror me krahët
ballorë...Pjesa qëndrore e pamjes kryesore është e punuar
pasurisht. Një platformë e ngritur me pak këmbë shkallë nga
pjesa tjetër e truallit, ka pasur në qendër një shatërvan.
Shkallët monumentale të kujtojnë variantet e zhvilluara të
këtij elemnti në banesat e mëdha me çardak të Beratit. Ato
janë dyfishe. Rampat e para paralele që zhvillohen përbri
volumeve të krahëve, përfundojnë në rrafshin e katit të
parë. Prej sheshpushimit të tyre zënë fill dy rampa
paralele, mbi sistemin e njohur të qemerëve cilindrikë.
Blloku i shkallëve përfshihet në volumin e banesës. Të dy
rampat të çojnë në çardakun e katit të dytë, i cili, ashtu
si ai i banesës tjetër ka në ballë harkadën me numërimin
tek të hapësirave, gjithsej 7 të tilla.Të dy banesat janë
ndërtuar prej guri, siç tregon përdorimi i gjerë i harkut
dhe qemerit, në konstruksionin e shkallëve, harkadave dhe
atyre të dritareve.
Kompleksi i familjes Vloraj, përveç vlerave arkitektonike,
ka pasur edhe vlera historike. Në banesën e familjes, dhe
pikërisht në mjedisin e katit të tretë të krahur të djathtë
ka lindur Ismail Qemali. Në banesën e miqve, në ditët e
mëdha të Nëntorit 1912, janë zhvilluar mbledhje të
rëndësishme, ndërsa pikërisht në harkadën e dytë të
çardaku, duke filluar nga e majta, është ngritur për herë
të parë flamuri kombëtar më 28 Nëntor 1912.
User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

taleban mos je ti shpijun i beogradit?
User avatar
TALEBANI
Posts: 1914
Joined: Thu Mar 23, 2006 10:45 pm

Re: A duhet te festohet 28 Nentori

Post by TALEBANI »

SOPRANO wrote:taleban mos je ti shpijun i beogradit?

bovaki, ku i dihet ............ sot qfar vakti u ardh su met me i besu kërkujna.
PS: e ty mos po të pagun SPS me ju dhan vrejtje ven e paven shqiptarve :shsmile:
User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

spo di njeri je qu pesh rreth flamurit ton..edhe pse e di se ka spekulime rreth gjith ksaj...amo ke apo ske e vertet...ne duhet mi qendru mas asaj qe na konvenon...
User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

e per ato qe sna konvenon...let mirren ata qe gjith jan marr...pra shkijet :wink:
User avatar
TALEBANI
Posts: 1914
Joined: Thu Mar 23, 2006 10:45 pm

Re: A duhet te festohet 28 Nentori

Post by TALEBANI »

SOPRANO wrote:spo di njeri je qu pesh rreth flamurit ton..edhe pse e di se ka spekulime rreth gjith ksaj...amo ke apo ske e vertet...ne sduhet mi qendru mas asaj qe na konvenon...
:arrow: op Soprano Vrejtja, nifar vakti njerzimi për kete flamur jan vra, kan hanger ka 20 vjet burg, kan hanger dajak qe llom jan ba, e sa seni tjeter.
E sot Soprano vrejtja, çka i ka mbet flamurit, qfar vlere ka, kollaj me than Talebanat e Wahabistat.
- flamuri kombtar sot harrohet nga ai partiak,
- flamuri kombtar u harru nga gjysa e kosovarve me at shkarravinen e Rugoviqit,
- tonaj ne festa kombtare flamuri qitet i zhgjyraft (i papaster), qitet i shkym apo gjys flamuri, qitet ne tokë, qitet mbi kuaj te gurit (e kom pa ne nje vend), etj, etj.
- ne Shqipëri vlera e flamurit ka ranë qysh ne vitet 1993 e këndej, e te na erdhi qysh ne 2000.

PS: pastaj vijn edhe ato qe an te dyshimta, o flamuri bizantin, jo I.Qemali e ka marë të gatshem, jo MarigonA ska qendis sen, etj.
User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

per qato te thash...se duhet mi qendru mas asaj qe na konvenon...me propagandu nese duhet ne dobi tonen...

...propaganda gjith ka qen arma ma e fort per gjithqka...

...e kjo qe po i thu ti rreth Ismail Qemajlit e sene...ne fakt sban me i permend hiq...se sjan qaq me rendsi...me rendsi se e kem te instalum ne kok flamurin kuq e zi,e gjith shqiptart kan luftu per qit flamur...

...se me i hi fell e fell...as veshjet kombetare sjan veshje kombetare...se dikush tjeter e ka zbulu teshen psh...qasij tipit jan kto qe po i thu ti...

...pra sjan hiq me rendsi
User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

ETHYMOLOGJIA E EMRIT - SHQIPJA


FLAS SKIP
*) Skipja - est fjala krysore nomuse omtare - oma nom, qe krijoi linguinomin - nomimin per guhen - Skipja ( spikja skipe - guha skipe), oma nom, qe krijoi antroponomin - skiptar - dhe oma nom, qe krijoi toponomin - Skipnia - Skipëria
authori
Shqipja - është fjala kryesore emruese amtare - ëma emër, që krijoi linguinomin - emrimin për gjuhën - Shqipja (gjuha shqipe), ëma emër që krijoi antroponomin - shqiptar - dhe ëma emër, që krijoi toponomin - Shqipëria.
Shqipja është - Oma që omnon- Ama që amnon-emnon - Ëma që emron, tri shprehjet kryesore, që përcaktojnë gjuhën në linguistikë:
1. Antroponomi - emrimi I njeriut - shqiptar pjestari I popullit shqiptar, populli shqiptar, kombi shqiptar, atdheu shqiptar…Prej të cilit antroponom - shqiptar, u formuan fjalëformimet shqipe: shqiptari, shqiptare, shqiptarja, shqiptaria, shqiptarizma, shqiptarizimi, shqipërim-I-e-et, shqipëron, shqipërues-I-e-it-et etj.
2. Toponomi - Shqipnia-Shqipëria emrimi I vendit, tokës - atdheut.
3. Linguinomi - spikja skipe - guha skipe - gjuha shqipe - Të folurit shqip, folja shqipe, shkrimi shqip, e që me - spikja skipe - nënkuptohet - shpikja, zbulimi, si spikatje, spikamë, e spikatur - e persosur, zbulimi I spikatur për të folurit e gjuhës, shpikje e spikatur (spikje e spikatur), të folur të persosur.
Shqipja - si fjalë shqipe, është emrimi prej të cilit rrodhi dhe u formua si fjalë-emër për shqiptarin, me të cilën fjalë, nënkuptohet - zogu - emër shpendi, zogu I qiellit - shqipoja (gege-shqipe), shqiponja (toske-shqipe), shqipja (pëgjithsisht, në gjuhën shqipe), prej te cilit emër morën emrin shqiptaret - shqiptari - Shqipëria - Shqipja - gjuha shqipe.
Ëmrimi I Zogut të Qiellit në gjuhën shqipe të vjeter është - skifter, skifteri, skifterat - kurse me ndryshimin e tingullit të lashtë illiro-pellgas të zanores - I në - Y, rrodhi emrimi - skyfter-skyfteri-skyfterat. Ky ndryshim tingullor I zanores - I, në - Y, krijoi shumë probleme linguistiko-ethymologjike edhe në vet emrin - shqipja-shqypja, shqipoja-shqypoja, shqiptari-shqyptari, Shqipnia-Shqypnia.
Por, këtë ndryshim të tingullit, zanores - I, në - Y, duhet kuptuar, vetëm, si një ndryshim fonetik dialektor, të cilin e hasim edhe në shkrimet e disa rilindasve tanë, përkundër gjuhës së folur - dhe duhet të mbështetemi në Shqipen e Vjetër apo Illirishten e Re.
Fjalët e hershme shqipe - skifter, skifteri edhe para atyre emërtimeve edhe më të lashta - skipter, skipteri, skiptar, skiptari për emrin - shqiponja, na çojnë drejtë kah fjala emërtuese illiro-pellgase - skip, që lidhet direkt me SKIPE THOTI krijuesi i hieroglifeve botërore dhe krijuesi i Alfabetit të Skipes Parë - si bartje e Atllantishtes, gjuhës së atllantëve, pas Përmbytjes së Atllantides dhe sjelljes së saj në brigjet e Nillit, ku Thoti Skipe, solli pëcaktimin e Gjuhës alfabetike, si gjuhë me alfabet të vetin, që njihet - Alfabeti I Thotit; pre të cilit u formuan të gjitha alfabetet e gjuhëve të lashta…
Kjo trashigimii evolutive e fjalës së lashtë shqipe ballkanike - SKIFTER - SKIPTER - SKIPTAR është aqë e lashtë, sa na ndajnë shumë periudha historike edhe shumë para asaj Parahistorisë, të cilën ne e quajmë, si koha parahistorike, deri tek alfabeti I Thotit, Thotishtes - skip spik.
Fjala e gjuhës shqipe të vjetër - skifter, skipter-skiptar, e cila edhe sot flitet tek shqiptarët ballkanas, pas emërtimit të shqiptarit - shqiptar dhe vendit të shqiptarëve - Shqipnia - Shqipëria, rrodhi emrimi më I vonë, të cilin e planifikuan tjerët e jo shqiptarët, si dedikim oriental. Anipse, qëllimi ishte të lidhet me emërtimin e Skipes Parë, tek Thoti Skipe. Ky emërtim solli shumë probleme interactive linguistike, sidomos në Fonetikën Historike.
Emri me të cilin lidhet emërtimi I zogut qiellor - skipe, skipja - si personifikim lingistiko-historik dhe lingui-etnogjenetik, për shqiptarët
- shqipoja, shqiponja, si emërtim më I afërt logjikisht me emrin - shqiptar dhe si symbol I trimërisë, guximit, symbol I lirisë në flamurin shqiptar, shqiponja me dy krerë - ku dy kokat, symbolizojnë Gegën dhe Toskën - Gegëninë dhe Toskërinë, si dy krena nga Një Trup I Atdheut shqiptar. Ky emërtim shqipe, shqipja, shqipoja, shqiponja u bë për shkak të gjeneralizimit të emrit në fjalë, si përgjithësim morfologjiko-linguistik dhe gjeolinguistik, si: antroponom, toponom dhe linguinom.

Tash, shtrohen pyetje madhore, të cilat nga gjuha e sotme shqipe balkanike, na shpiejnë në një fono-morfologji historike të veçantë, në të cilën është një fonetikë historike e posaçme, sipas së cilës edhe u bë shkakëtare kryesore, që mos të njihet botërisht sot vet emërtimi antroponomistik - shqiptar dhe emërtimi toponomastik - Shqipnia, Shqipëria, as të njihet gjuhë shqipe - por të njihet në botë, si - alban, gjuha albane dhe toponomi - Albania.
Sipas George Fred Williams-it, për emërtimin e hershëm të vendit të shqiptarëve, Toka e shqiptarëve, thotë: "Alvanon" ishte një krahinë e vogël e këtij vendi, prej të cilës, pushtuesit I dhanë emrin - Albania në shekullin e Dytë ( shek. II-të e.r.) Emri I këtij vendi është - 'Shqipëria', dhe populli I saj quhet ' shqipëtar', dmth. "Toka dhe bijtë e shqiponjës (Eagle)". Kështuqë Williams-I, nuk e ka fjalën për emërtimin - Albania, por për emërtimin - Skiperia, Shqipëria, Toka e Shqipeve, ashtu sikur Gustav Meyer-I në veprën e tij - Das Land der Skipetaren - Vendi I shqiptarëve, duke potencuar strukturalisht lidhjen gjenetiko-linguistike të shqiptarëve me shqipen, shqiponjën, e jo me lidhje në emërtimin - Albania, por, me emërtimin - Skiperia.
a) A flitet e shkruhet drejtë - në gjuhën e sotme shqipe, fjala - shqipe sipas këtyre variantave të lartpërmendura linguistike e fono-morfologjike të vet rrënjes së saj dhe sipas kompozitave në fjalë, që burojnë nga ajo rrënje linguistike nga skipe në shqipe dhe
b) Sa është e afërt, kjo fjalë e gjuhës shqipe - shqipja me atë skipja në gjuhën e Skipes së Parë prej të cilës edhe u formua, si bija e skipes illire, apo Illirishtes së lashtë pellgazgjike - si Ama e Shqipes? Prej të cilës spikje skipe - guhë skipe-illire u lind Shqipja, ashtu sikurse u linden gjeneratat epokale pellgazo-illiro-shqiptare - duke u bazuar në emërtimet e origjinalitetit morfologjik, si origjinalitet linguistik: shqipe, shqipja - shqipet (si shpend - zog, zogjë - zogu, zogjët) dhe shqipe, Shqipja (si gjuhë)! Kjo alternativë linguistike u bë në vend të fjalëve emërtuese të lashta - skipe, skipja, skiptar, skipetar, Skipnia, Skiperia!
c) Cila ishte fjala e parë e gjuhës illire-pellgase të stërlashtë, e cila përcaktonte vet emërtimin e emrit - shqipe, shqipja (si emër shpendi, zogu) dhe nga e mori illirishtja atë fjalë-emër, përveçse nga emërtimi I lashtë - skipe, skipter, skiptar, nga Thoti Skipe I cili fliste pikërisht Shqipen e rrënjeve të lashta të vet Shqipes së Vjetër, që flitet sot në ballkanin illirik?
d) E cilës gjuhe ishte fjala shkencore Aquilla, e cila përcakton emrin e zogut (Aquilla chrysaetus) si shpend të madh të familjes Aquillidae (Akuillida) dhe çfarë do të thotë vet kjo fjalë - akuilla në gjuhën e sotme shqipe? A mundet shqipja ballkanike, ta përcaktojë fjalën - Aquilla me vërtetësinë më të madhe, që nuk ka mundësi spjegimi të saj sot, asnjë gjuhë tjetër indo-evropiane?
e) Sa është e ngjajshme fjala e vjetër - skifter, skipter, skiptar e shqipës së Vjetër ballkanike, në bazë të rrënjes së kësaj fjale - skif, skip me atë fjalën e lashtë - skip, skipe, Thoti Skipe? Edhe si emërtim I shpendit (skifteri, skifterat - skipteri, skipterat, skiptari, skipterat) edhe në shprehjet e sotme të gjuhës shqipe (për njeriun) - 'ashtë djalë skipter, skiptar I zoti; luftoi si skiptari; ka sy skiptari; ka guxim skiptari; ai (të) ta grabitë sikur skipteri; (shprehje gegënishte-shqipe).
f) Poashtu, tek arbëreshët e Italisë fjala - skipe, skipetar, Skiperia argumentojnë fono-morfologjikisht dhe lingui-historikisht, si shprehje të lashta, të ruajtura, thesare të çmueshme - si fjalë të arta, kur I thohen dikujt në veçantii, në shenjë admirimi: ' a je skipetar'; skipetar, moj skipetare; skipe etj.
Dardhanët e Toplikut, deri vonë para Luftave në Toplik (Toplicë), kur u bë spastrimi etnik I shqitarëve prej tokave të veta, nga serbo-rusët (1874-76) nga barbaria sllave - Dardha (Krushevci), Gurshumi (Kurshumlia), Kreshtabardha (Kopaoniku), Naissa (Nishi) etj. këto vende Shqitare, të banuara me shqiptarë, ku është folë gjuha shqipe - guha skipe, i kishin shprehjet shqipe - Flas skipas!; Po t'flas skipas!; Fol skipas!; U lidhen skipas!; Luftojmë skipas!; Lidhnu skipas!; Kape skipas! Po t'thom skipas! Besa skipas! etj.
shqipja, Shqiponja, si emër shkencor njihet - Aquilla, e cila fjalë përcaktohet nga shqipja e vjetër, - Aku+illa= Akuilla, ku fjala e pare e kompozites i.e. e gjenerale (botërore), është kuptimi - aku-akuj-akull, akulli, ku në latinishten mori kuptimin - aqua = ujë, uji - akulli është uji në lat. Dhe pjesa e dytë e kompozites - illa - Aqu+illa, kjo rrënje - illa - është kuptimi për illin, lidhje illirishte.
Pra, Aquilla, emri shkencor I Shqiponjës (Aquilladae), kuptohet, zogu I cili jeton në vende të ftofta, me acar e akull, jeton në vende ku nuk hjeket kurrë bora e akulli, në alpet shqiptare, në Evropën veriore, Himalaje, Amerikë - shpend I fuqishëm I maleve, jeton në shkrepa të vrazhdë, të rrëpinjtë thikpërpjetë lartësi e shpella të ashpra e të acarta (të ftofta akull), në akuj, akull atje ku është e paarrijtshme (jeton deri në 70 vjet). shqipja, Skipja, Aquilla lypë akullnaja në lartësi të mëdha bjeshkore, alpike, jeton atje ku është ftoftë - akull, akuj - Aquilla.
Pirroja, mbreti I Epirit illirian, një nga gjeneralët më të njohur të Historisë Botërore, u quajt - Aquilla Pyrro (Skipja e Burrit) Pirro shqipe - Pirro shqiponjë që ky emrim iu ka dhënë vetëm burrave skipetarë, bijve të shqipes, përkah të çmuarit të guximit, trimërisë, heroizmit të pashoq, në beteja, nga historianët antik (Che sovra gli altri com Aquilla vola - Që pëmbi tjerët, si shqipe-Skipe fluturon)!
Poashtu, heroi kryesor I veprës së Homerit në Illiadhë (Iliadë) - Akili, është emërtim I gjuhës skipe-illire - Akilli, që lidhet direkt me kuptimin e Skipes - shqipes, shqiponjës - Aquilla - Akilli - Akili, ashtu sikur e gjithë vepra homerike është histori illire, ashtu, sikur edhe vet Homeri ishte illir - Homeri hillirian, I cili u përvehtësua nga grekët.
Fjala - skip, skipe (scip, scipe), e cila përcakton emërtimet e sotme shqipee shqip, SHQIPE është emri shumë I lashtë edhe para linguistikës indo-evropiane, skip, skipe, është emërtimi që prinë në Linguistikën Gjenerale. Vet fjala - skip, skipe (shqip, shqipe), është ajo e Para skip, skipe vetëm që e kemi alternocionin fonetik të dy tingujve të shqipes së sotme - S = SH - K=Q të marrur indirekt nga Latinishtja - q=k lat.=ku (q) latine, ne e theksojmë - q shqipe, në vend të, bile, shkipe, ne e kemi - shqipe.
Alternocioni fonetik në shqipen u bë - S=SH në gjuhën e shkruar shqipe, me Kongresin e Manastirit (1908-10), duke u bazuar në të folmet dialektore, në shumë shkaqe pa baza ethymologjike, që ngatërrojnë gjurmimet shkencore, ashtu sikurse në dytingullorët tjerë alfabetike, si tokzanore dytingujsh, të përngjitura në një tingull sikurse janë: g - gj, s - sh; d- dh, n-nj, x-xh, z-zh, t-th, të cilat nuk përdoren (pëgojën) në vende të caktuara, aty ku duhet theksuar drejtë, por - të cilat kanë krijuar probleme ethymologjike, pikërisht në ato fjalët më kryesore të gjuhës, kur është në pyetje lidhja e shqipes me illirishten, pësa I përket përcaktimit të drejtë shkencor. Kemi shëmbujt e tillë: skipe=shqipe; guha=gjuha; guni-gjuni; geo=gjeo; gua=gjua; skrola=shkrola, shkronja; skripi-skrimi=shkrimi; skolla= shkolla; skolastika - shkollimi I lire sokratik në grupe etj.
Ashtu sikundër kemi rastet e ndryshimeve fonetike si alternocione nga e kundërta e këtyreve, që ne I theksojmë ashtu sikur sllavët në mungesë tingujsh gjuhe përkatës në fonetikat e tyre sllavishte, e që krijoi probleme hulumtimi linguistik sikurse: ethymologi=etimologji; ethymologu=etimologu; methodika-metodika; theo-teo; theolog-teolog; mythologji=mitologji; mythi=miti; mythike=mitike; methodë=metodë; orthografi=ortografi; psikotherapi=psikoterapi; kuzina (vendi ku zina, ku zihet gjella)=kuzhina; Pantheoni=Panteoni; uthopia-utopia; theist=teist; atheist=ateist; politheist=politeist; monotheist=monoteist; these=tezë; theori=teori; theater=teatër etj.
Fjala - skipe, nga skipja illire (Shqipja illire) para i.e. krijoi fjalët tjera me burim nga ajo: skip - shqip; spik - të folur, folja, spik-spikatje-spikamë-spikama, I,e,të spikatur-a; persosje, persosshmëria e njeriut, që I kemi këto kompozita të sotme shqipe, si nivel I lartë pune, diturie, shkathtësie; poashtu: skrip - shkrim; script-I, skriptet, skriptorja etj.
Fjala - shqip rrjedhë nga fjala - skip, e gjuhës Shqipe-illire (guha skipe-illire), spika skipe, e cila rrodhi nga psika skipe, ku skrola skipe (scroll) është emërtimi më I lartë shkencor në Genesis (Gjeneza): scroll 1, scroll 2,cka e karakterizon shënjtërinë e shqipes, fjalë e parë që I prinë thënjeve më të spikatura të kulmit të diturisë së njeriut - Librat e Genisit…
Në gjuhën e folur popullore Shqipe ballkanike, kemi emërtimet e vjetra për shkronjën - shkrola, shkrojla, shkrolë, shkrollë, shkrolla, shkrollat por të ndikuar nga ndryshmi I tingullit s=sh, sepse pleqët thonë me s - skrolë, skrola, skrolat e skipes, skrola skipe etj.
Shqip=Skip, Shqiptar=skiptar, janë dy shprehje të ndryshme fonetikisht, kurse me kuptim të njejtë, që pak, ose aspak thuaja, nuk është shkruar nga linguistët tanë, e që kanë pasë mundësinë reale, ta përcaktojnë drejtë, bile në Kongresin e Manastirit (1908), aty ku me ndkimet e të dy anëve të forta të Dy Portave, me ndikim të kohës, shumë raste të ndryshimit të tingujve të alfabetit të gjuhës shqipe, krijuan probleme dhe këto probleme droj do të mbesin therrëlinguistike, që pëngojnë në gjetjen e udhëve të shkurta, për në Dardhanishten e Lashtë illire...
Me therminin - Shqipe, tek Shqipëria, nuk mund të vijojmë gjurmimet deri në gjuhën e pare - skipe, kurse me atë - SKIPNIA, ose SKIPËRIA, mund të lidhemi deri tek - skip spik, tek guha skipe, Skipja e Thotit, e cila merret sot linguistikisht, si fillesa e gjuhëve botërore të para: Thoti trismegist - Hermes I Madhësisë së Trefisht. Ku kjo shprehje - Trefishe, Mendoj se është Treshi I Gjuhëve të Para Botërore - kuni, kina e Indi (gjuha Kuniforme - Cuneiform Language), gjuhët indase dhe kineze e të Lindjes së Largët - për këtë arsye thirret - Hermes Trismegist, Thoti.
User avatar
SOPRANO
Administrator
Posts: 12039
Joined: Thu Jun 17, 2004 3:04 am
Location: tu plepi

Re: A duhet te festohet 28 Nentori

Post by SOPRANO »

SOPRANO wrote:@taleban mos te mirremi me gjana te kota...po pergjegjmu ne qit pytje...a e don ti skenderbeun,edhe qfar mendimi ki ti personalisht per veprat,jeten,trimnin etj te Skenderbeut...

:?:
Post Reply